Opplevingar på hylja
Mellom Rondane og Jotunheimen ligg Hylja – ei gøymd seter der tida går litt saktare. Her handlar opplevingane om rolege steg på stien, varme bad under open himmel og stille møte med dyr som kjenner fjellet betre enn dei fleste. Vi held gruppene små og stemninga personleg, slik at du får god plass til både ro, nærvær og natur.
Vi opnar for dei fyrste gjestane våre den 1.juli - men du kan førehandsbooke allereie no
Booking av opplevingane
Klar for opplevingar på Hylja?
Praktisk info:
-
Barn under 10 år, må ha følgje av ein vaksen. Når du skal booke, velg "Alpakkavandring - med alpakka" for barnet, og deretter legg til ein "uten alpakka (følgje)" for ledsageren.
-
Oppmøte på setertunet 10–15 min før turstart.
-
Antall deltakarar vel du i neste steg i bookinga.
Gå med eiga alpakka?
→ Velg "Alpakkavandring - med alpakka"
400 kr
Gå utan eiga alpakka?
→ Velg "Alpakkavandring - utan alpakka (følgje)"
200 kr
Barn under 10 år?
Må ha med ein vaksen
→ Velg "Alpakkavandring - med alpakka" og
→ Legg til "Alpakkavandring - utan alpakka (følgje)"
600 kr
På Hylja går vi alpakkavandring i roleg tempo, éin gong om dagen kl. 13.30.
Nedanfor vel du mellom å gå med din eigen alpakka eller å vere med på turen som roleg følgje. Éin person kan booke for fleire i same følgje.
Laster inn dager ...
2 t
400 norske kroner
Laster inn dager ...
2 t
200 norske kroner
Kva kan du oppleve?
Appakkavandring
Vandre i lag med nysgjerrige alpakkar gjennom seterlandskapet – med god tid til både utsikt og mjuk ull
Badstue og badestamp
Varme bad og badstue med utsikt mot fjella, medan kvelden senkar seg over setra.
Vandring og seterliv
Frå korte nærturar og bålplass til lengre dagsturar – alltid med livet på setra som ramme.
Alpakkavandring
Med alpakka gjennom seterlandskapet
-
Varigheit: Omlag 1,5–2 timar totalt
-
Nivå: lett til moderat sti, nokre slake bakkar
-
Aldersråd: eigna for barn i følgje med vaksne
-
Sesong: vår / sommar / haust
-
Grupper: Små grupper for ro og nær kontakt med dyra
-
Booking: Må førehandbookast
Alpakkavandringa tek deg med inn i seterlandskapet rundt Hylja i eit tempo der alle heng med.
Vi følgjer stiar som slyngjer seg mellom gamle setervollar, vierkratt og opne flater med utsikt mot fjella. Underlaget er variert, men ikkje krevjande – det viktige er å ha tid til å stoppe, sjå og puste.
Alpakkane er nysgjerrige, men varsame. Etter kvart som de blir kjende med kvarandre, blir stega rolegare og skuldrene lågare. Vi går i små grupper, slik at det alltid er plass til spørsmål, små samtalar og stille augeblinkar med handa i den mjuke ulla.
Turen eignar seg for dei fleste som er vane med å gå litt i ulendt terreng. For familiar kan dette vere ei oppleving der både små og store finn sitt tempo – og oppdagar nye detaljar i landskapet saman.
Badstue, badestamp og stjernehimmel
Velvære og fjellro
-
Kven: små grupper, par og vennegjengar
-
Når: hovudsakleg ettermiddag og kveld, etter avtale
-
Varigheit: Badstampen og badstua blir varma opp så den er klar kvar efta.
-
Moglegheiter: kombiner med kveldsmåltid i Seterstuggu eller roleg bålplass
-
Praktisk: førehandbooking, handkle kan leigast, enkel servering etter avtale
Når dagen har vore fylt av frisk luft og fjellutsikt, er det godt å la kroppen få kvile i varme omgjevnader.
Badestampa og badstua på Hylja ligg slik til at du ser rett ut mot fjellrekkene, medan dampen stig stille opp i kveldslyset. Kontrasten mellom varm trebenk og kjøleg fjelluft gjer kvar dukk og kvar pust ekstra tydeleg.
Vi held stemninga roleg, med små grupper og god tid. Nokon sit lenge og pratar lågmælt, andre vekslar mellom badstue, stamp og frisk luft på skiferhellene utanfor. På vinteren kan du kjenne snøen under føtene mellom slaga – på sommaren er det berre deg, stjernehimmelen og dei mjuke konturane av fjella.
Badstue og stamp kan bestillast både av overnattingsgjester og dagsgjester. Det er den enkle, men eksklusive luksusen: å vere varm, rein og roleg – midt i fjellheimen.
Legg til når du bookar overnatting, eller ta kontakt for å bestille.
Vandring og seterliv
Frå setertunet til utsikt over fjella
For deg som…
…vil gå roleg: korte nærturar i mjukt terreng, med mange stader å setje seg ned.
…vil ha utsikt: merkta dagsturar med panoramablikk mot Rondane og Jotunheimen.
…reiser med familie: lett terreng, dyr på beite og bålplass som naturleg samlingspunkt.
…treng ei pustepause: kombiner små turar med lesing, kvile og kanskje eit kveldsbad i stampen.
På Hylja treng du ikkje køyre noko stad for å kome deg ut. Døra frå gjeterbua eller Seterstuggu er starten på mange ulike turar – frå korte rusleturar til lengre dagsturar med høgare utsikt.
Nærturar frå tunet
Dei kortaste turane startar rett frå seterplassen og går i roleg terreng rundt vollar, bekkar og små høgder. Perfekt for ein føremiddagstur med kaffikopp i sekken, eller som ein stille runde før kvelden.
Dagsturar med utsikt
For deg som vil lenger, finst det merkta stiar som tek deg høgare opp i terrenget. Herfrå ser du fjellrekkene i Rondane og Jotunheimen liggje som blå silhuettar i det fjerne – og kjenner kor stort og ope det er rundt den vesle setra.
Livet på setra
Når dyra er på beite, er dei ein naturleg del av landskapet; geitebjeller og fuglesong blandar seg med vinden. I slåttetida luktar det nyslått gras, og på bålplassen samlar vi oss gjerne for ein kopp kaffi eller enkel mat når dagen går mot kveld.
Opplev fjellro og seterliv - gjenom sesongane
Den same setra kan kjennast heilt ulik ut frå når på året du kjem. På Hylja følgjer vi rytmen til snøen, lyset og dyra – og let årstidene bestemme tempo, fargar og lydar rundt deg.
Våren kjem stille her i høgfjellet. Snøen trekker seg attende, og dei første grøne stripene breier seg over setervollane. Fuglane vender attende, lyset blir mildare – og landskapet fyllest av ei ro som berre våren kan gi.
Somrane hos Hylja er lyse og fulle av liv. Blomstrande setervollar og fargerike markblomar svingar i brisen, og dei lange dagane innbyr til vandring, seine kveldar ute og vid utsikt mot Rondane og Jotunheimen.
Hausten kler fjella i varme fargar – raudt, oransje og gull. Den klåre haustlufta gjer turane ekstra stemningsfulle, og etter ein dag ute er det lite som slår ein varm peiseld og rolege kveldstimar innandørs.
Vinteren senkar eit stille, kvitt teppe over heile fjellheimen. Snøen knirkar under føtene, himmelen står i pastell, og nattestjerene lyser klårt og djupt – heilt utan lysforureining.