top of page
Stjernehimmel på Hylja. Foto Geir Sletten

Fotokurs

I haust kan du vere med på ei fotohelg der fjelluft, lys og landskap står i sentrum. Ta med kameraet ut i naturen, lær meir om komposisjon og stemning, og bruk dagane på å utforske landskapet rundt Hylja Lodge – med gode måltid, sosialt samvær og tid til å sjå motiv på nye måtar.

Sjå programmet

I samarbeid med Geir Sletten / GS Foto inviterer Hylja Lodge til inspirerande helgekurs i landskapsfotografering i spektakulære fjellomgjevnader – med storslått utsikt mot både Rondane og Jotunheimen.

​

Kurset blir leia av Geir Sletten, erfaren landskapsfotograf med lidenskap for lys, stemning og det naturlege uttrykket i fjellet. Gjennom helga får du praktisk undervisning ute i felt, teori om komposisjon, lys og kamerainnstillingar, bildeframvising og enkel innføring i etterbehandling.

​

Måltida blir servert på Hylja, og du kan velje om du ønskjer kurs med eller utan overnatting. I løpet av hausten arrangerer vi to kurshelger med same innhald – vel den helga som passar best for deg.

September

18. – 20. sept

Helgekurs i landskapsfotografering

Med Geir Sletten / GS Foto · kan bookast med eller utan overnatting

Sjå kursval
Oktober

2. okt – 4. okt

Helgekurs i landskapsfotografering

Med Geir Sletten / GS Foto · kan bookast med eller utan overnatting

Sjå kursval

Programmet

Fredag

Kl. 18.00

Oppmøte i Peisstuggu. Vi blir kjende med kvarandre, har sosialt samvær og et middag kl. 19.00.

​

Kvelden blir brukt til introduksjon til helga, prat rundt landskapsfoto, bildeframvising og oppsummering.

Laurdag

Kl. 09.00

Dagen startar med frukost. Etterpå blir det teoriøkt med fokus på komposisjon, lys og kamerainnstillingar før vi går ut i felt.

​

Vi brukar dagen ute fram mot kl. 16–17, med lunsjpakke frå Hylja undervegs. Middag blir servert kl. 18.00. Dersom vêret og lyset ligg til rette for det, tek vi ei lita solnedgangsøkt.

Søndag

Kl. 09.00

Etter frukost blir det litt prat og teori før vi går ut og fotograferer vidare.

​

Kurset blir avslutta med oppsummering og lunsj kl. 13.00 før avreise.

​

Fredag eller laurdag kveld blir det også to timar med enkel innføring i etterbehandling av bilde, kombinert med sosialt samvær.

hylja2.jpg
hylja6.jpg
hylja1.jpg
hylja5.jpg

Dette treng du

Ta med kamera, gjerne spegelrefleks eller spegellaust kamera. Den optikken du har, kan brukast – du treng ikkje spesielt utstyr for å delta.

​

Har du stativ, er det fint å ta med. Dersom du har laptop og redigeringsprogram, kan du også ta dette med til økta om etterbehandling.

​

Kle deg for dagsturar i haustfjellet, med gode sko, varme klede og vindtett eller vasstett yttertøy.

Utstyr

• Kamera, DSLR eller spegellaust

• Optikk du har

• Stativ om du har

• Laptop/redigeringsprogram om du har

• Klede for dagsturar i haustfjellet

FOTOKURS

Helgekurs i landskapsfotografering

Overnatting og prisval

Når du melder deg på fotokurset, kan du velje mellom kurs med eller utan overnatting på Hylja. Måltid er inkludert i begge kursvala, og kurset har avgrensa tal plassar.

​

Vel den kurshelga som passar best, og deretter om du ønskjer opphald med overnatting eller berre kurs og måltid. Dersom du vel kurs med overnatting, fordeler Hylja overnatting manuelt etter bestilling.

​

Enkeltpersonar får overnatting åleine, medan par, to kursdeltakarar eller kursdeltakar med følgje deler overnatting.

For kven?

Kurset passar både for nybyrjarar og vidarekomne som ønskjer å utvikle blikket sitt for landskap og lære korleis ein skaper sterke og harmoniske naturbilete.

​

Opplev magien i fjellheimen – og lær korleis du kan formidle stemninga, rommet og roa i det storslåtte landskapet.

Dette er inkludert

• Fotokurs med Geir Sletten / GS Foto
• Teori og fotografering ute i felt
• Enkel innføring i etterbehandling
• Frukost
• Lunsj/lunsjpakke
• Middagar
• Sosialt samvær

​

Overnatting er inkludert når du vel kurs med overnatting.

Sjå programmet
bottom of page