Hovdasetervegen 252,
2682 Lalm,
NORWAY
.jpeg)
Nå kan du oppleve Hylja Lodge – ein hemmelegheit mellom to fjellriker. Her ventar stillheit og kvile med levande tradisjonar som tek deg attende til ei anna tid.
Passar perfekt for par som ynskjer å dele ei spesiell oppleving.
Overnatt i eksklusive, arkitektteikna gjetarbuer kledde i skifer – diskret plasserte i terrenget, med få einingar, god avstand og tett nærleik til fjellet. Her får du privatliv, ro og rom som er forma for å gli inn i landskapet, ikkje bryte det.
Når du vil gøyme
deg bort mellom fjella
Her, nesten 1000 meter over havet, opnar fjellet seg i lange blikk mot horisonten. Hylja Lodge ligg på ei gamal seter som har vore i familien sidan 1600-talet, over Lalm i Gudbrandsdalen.
Stillheita har si eiga rytme. Naturen sine skiftingar målar dagane i fargar som speglar seg både ute og inne: varmen i solbrent treverk, skogbotnen sitt djupe mørke, syretonane i mose og lyng – og skiferstein mot koparen sitt gylne skjær.
Her kan du trekkje deg attende til fjells – med god tid til berre å vere.
HYLJA Lodge - Gjetarbu
← Sjå meir
Om Hylja og vertskapet
Hylja Lodge ligg på ei gammal seter over Lalm i Gudbrandsdalen, mellom Rondane og Jotunheimen. Setra har vore i familien i generasjonar, og omsorga for landskapet, seterlandskapet og historia ligg til grunn for alt vi gjer.
Bak Hylja står Mari, Åsta og Øystein – natur- og tradisjonsglade vertar som vil dele fjellro, seterkultur og lokale smakar med gjestane sine.
Velkommen til Hylja lodge
Eit lite fjellunivers på ein gamal seter mellom Rondane og Jotunheimen. Her er fire ting som gjer Hylja til ein stad å kome tilbake til.
Mat og seterstuggu
På seterkjøkkenet i Seterstuggu lagar vi enkle, rause måltid med røter i seterlivet og lokale råvarer når vi kan. Her samlast gjestene rundt bordet, med utsikt mot fjella og god tid til både mat og prat.
Opplevingar på Hylja
På Hylja er opplevingane få, gjennomtenkte og tett på naturen – frå alpakkavandring og kveldsbad i stampen til rolege turstiar og levande seterliv med dyr på beite. Alt går i eit roleg tempo, utan stress og programjag.
Sesong og opningstider
Hylja er planlagt som eit heilårstilbod. Vår, sommar, haust og vinter har kvar sine kvalitetar – frå vårlys og grøne setervollar til lange sommarkveldar, klår haustluft og stille vinterdagar med snø. Dei første gjestene i gjetarbuene ønskjer vi velkomen sommaren 2026.
Få ro til å puste
Vi har få einingar, lite støy og god avstand til kvardagsmaset. På Hylja kan du trekkje deg attende, lese ei bok, sjå ut over fjella – eller berre sitje stille ei stund. Alt er lagt til rette for at du skal få ro til å puste.
Opplevingar mellom fjell, dyr og stillheit
Enten du vil vere aktiv eller berre senke skuldrene, er Hylja ein stad for opplevingar i roleg tempo. Rundt setra finn du godt merka stigar, utsiktspunkt og små perler i fjellskogen, og på tunet møter du dyr og levande seterliv.
I sommarsesongen kan du kombinere opphald i gjetarbuene med alpakkavandring.
mellom to fjellrike
Frå setra ligg verda open mellom to fjellrike.
På eine sida løftar Rondane dei mjuke, gråblå ryggane sine over dalen – stille, runde toppar som har stått vakt i generasjonar.
I bakkant reiser Jotunheimen seg – villare, spissare og meir dramatisk, med tindar tett i tett og snøflekker som held stand langt utpå sommaren.
Midt imellom desse to fjellverdene ligg Hylja som ein kvilestad. Her kan du la blikket veksle mellom dei rolege formene i Rondane og dei mektige konturane av Jotunheimen, medan lyset skiftar over toppane.
Ein stad blant dei skjulte – der naturen kjem nærare.
Hylja Lodge - ei handplukka blanding av overnatting, mat, kultur og opplevingar, der kvalitet og stillheit går først.
Spise- og samlingsrom i Seterstuggu
Seterstuggu - Hjartet på Hylja
Romantisk pakke for par
Champagne og sjokoladedyppa jordbær
Eventyrleg vinterlandskap
Vandring på fjellet med alpakka
Bålplass
Idyllisk seterliv med dyr
Mat og Seterstuggu – rommet rundt bordet
I Seterstuggu er det alltid eit bord å samlast rundt. Her serverer vi frukost, enkle lunsjar og middagar med røter i tradisjonsmat og fjellråvarer, tilpassa årstidene og det vi har tilgang på.
Frå sommaren 2026 blir Seterstuggu samlingspunktet for gjester i gjetarbuene – ein varm stad å starte dagen roleg, og å avslutte ho med gode smakar, peisvarme og rolege samtalar.
Prispakkar
Opphald med frukost
4 600 kr
per natt per gjetarbu for 1-2 personar
Eit roleg og eksklusivt opphald i spektakulære fjellomgjevnader mellom Rondane og Jotunheimen. Vakn til frisk fjelluft og frukost i Seterstuggu, laga med lokale råvarer.
Inkludert:
-
Overnatting i Gjetarbu
-
Frukost i Seterstuggu
Tilvalg:
-
Lunsj kan bestillast. Ta kontakt
-
3-rettars middag kan leggjast til i booking
Opphald med frukost – 2+ netter
3 910 kr
per natt per gjetarbu
for 1-2 personar
min. 2 netter
For deg som vil senke tempoet og bli litt lenger. Nyt fleire netter i Gjetarbua, vakn til fjelluft og frukost i Seterstuggu – til ein lågare nattpris ved opphald på minimum to netter.
Inkludert:
-
Overnatting i Gjetarbu
-
Frukost i Seterstuggu
Tilvalg:
-
Lunsj kan bestillast. Ta kontakt
-
3-rettars middag kan leggjast til i booking
Hylja Ást - Romantisk pakke
7 100 kr
per natt per gjetarbu for 2 personar
2+ netter: -15 %
Ást kjem frå norrønt og betyr kjærleik. Trekk dykk attende til stillheita i naturen og nyt eit opphald skapt for nærleik, varme og gode minne. Ved ankomst ventar champagne eller cider, ein vakker blomsterbukett og sjokoladedyppa jordbær i Gjetarbua.
Inkludert:
-
Overnatting i Gjetarbu
-
Frukost i Seterstuggu
-
3-rettars middag
-
Champagne eller cider ved ankomst
-
Blomsterbukett
-
Sjokoladedyppa jordbær
-
Privat tid ved bålplassen
-
Spekefjøl med lokale smakar
Tilvalg:
-
3-rettars middag kan leggjast til i booking, dersom dykk ønskjer middag fleire kveldar
Hylja Ferdahug
4850 kr
per natt per gjetarbu
for 2 personar
min. 2 netter
Ferdahug kjem frå norrønt og handlar om lysta til å reise, utforske og oppleve nye stader. Denne pakken passar for deg som vil kombinere fjellro, gode måltid og ei stemningsfull oppleving rundt bålet.
Inkludert:
-
Overnatting i Gjetarbu
-
Frukost i Seterstuggu
-
3-rettars middag
-
Ein guida vandring i den gamle furuskogen
-
Lokale smakar og historie rundt bålet
Tilvalg:
-
3-rettars middag kan leggjast til i booking, dersom dykk ønskjer middag fleire kveldar
